એક ડગલું ચાલવામાં લ્યો, વરસ પૂરું થયું; 
પંથ કપરો કાપવામાં લ્યો, વરસ પૂરું થયું. 
ગ્રંથનો આખોય દરિયો પાર કરવો’તો છતાં;
બે’ક’ પાનાં વાંચવામાં લ્યો, વરસ પૂરું થયું. 
આમ તો બત્રીસ ભોજન પીરસ્યા’તા પ્રેમથી; 
સ્વાદ થોડો ચાખવામાં લ્યો, વરસ પૂરું થયું. 
ના જરા પૂછી શક્યો આખા જગતની હું ખબર; 
જાતને સંભાળવામાં લ્યો, વરસ પૂરું થયું. 
- નીતિન વડગામા

Gujarati Shayri by Rakesh Thakkar : 111069291

The best sellers write on Matrubharti, do you?

Start Writing Now