ગમતીલા સપનાં નો દડો કોકે ઉછાળ્યો
ને કૂદી ને આપણે તો ઝટ કરી લીધો કેચ
.... આપણને તો પડી ગઈ મોજ !
રજનીગંધા ના ફૂલો એ પાથરી ચાદર
ને આપણે તો શ્વાસ માં ભરી લીધી મહેક
....આપણને તો પડી ગઈ મોજ !
મોર એ મારા આંગણે આવી ને ટહુકો કીધો
ને ચાંદ પર થી ચકલી એ મને કર્યું વોટ્સએપ
....આપણને તો પડી ગઈ મોજ !
સ્વપ્ન લોકમાં વિહરું વગર પાંખે હું
ને પરીઓ મને સુવાડે તારલા ની સેજ
....આપણને તો પડી ગઈ મોજ !
.
.
.
ઓફિસ નો બેલ વાગ્યો, બૉસ નો કર્કશ અવાજ
ને ઉડી ગઈ ,ઊંઘ સૂતેલી, માથું ઢાળી મેજ
.....આપણી તો પૂરી થઈ ગઈ મોજ !!!
