સોળ વરસ નું જોબન તારું, જયારે જોલા ખાતું,
જોઈ આ મારા દિલમાં ત્યારે, સાજણ કઈ કઈ થાતું.
ઘેલો થઈ ને દર દર ભટકું,કરું શું ના સમજાતું,
બંધ આંખો એ સમણાંમાં મને, મુખ તારું દેખાતું.
હોઠ ગુલાબી આખો રાતી,કેળ તારી કમખાતી,
ચાલ ચટકતી ચાલે તું,મારી ધડકન થંભી જાતી.
યાદ કરું એ દિવસો જયારે, મન મારુ મલકાતું,
વનરાવન ની કલીયો પણ,ફુલ બની મહેકાતું.
પીતા તારા ઇશ્ક નો પ્યાલો, ભાન ભૂલી જવાતું,
ના રહેવું મારે હોશ માં,ફરી પીવા નું મન થાતું.
ચાલ ફરી એ પળ માં જઈએ, કરશું પ્રેમ ની વાતું,
હું તારા 'ને,તું મારા ના રંગમાં ડૂબી જાશું.
Dp,"પ્રતીક"
