व्हॉटस अॅप मेडिटेशन
सध्या सगळ्यात लोकप्रिय मेडिटेशन आहे व्हॉटस अॅप मेडिटेशन . एकदा व्हॉटस अॅप नंदी लागली टाळी तेथे देहाते कोण संभाळी ? आधी मेडिटेशनची पहिली पायरी असायची मांडी घालून बसून डोळे मिटणे . आता व्हॉ- मेडिटेशनची पहिली पायरी म्हणजे आरामशीर बसून कान बंद करणे . मग शेजारी भूकंप झालास तरी त्या लहानशा पडद्यावर पाहत बसलेल्या व्यक्तीला ते जाणवत देखील नाही . त्या व्यक्तीचं आणि त्या छोट्याशा पडद्याचं जणू अद्वैत झालेलं असतं .
या मेडिटेशन मधे दोन्ही हातांचे अंगठे अगदी विजेसारखे चालत असतात . अगदी अर्जुन आणि एक लव्य दोघांनाही हेवा वाटावा असे !
एकदा व्हॉटसप रंगी रंगल्यानंतर सर्व जगाचे यच्चयावत ज्ञान आपोआपच प्राप्त होते .
असे हे मेडिटेशन . जगापासून पूर्ण मुक्ती देणारे . हे मेडिटेशन जरूर करत रहा . पूर्ण टेन्शन रहित होऊन सुखी व्हा .
