ત્રિજ્યા અપેક્ષાની સીમીત થાય તો સારું.
વધતો જતો વ્યાપ અટકી જાય તો સારું.
સુખ અને દુઃખનાં મૂળમાં અપેક્ષા હોવાની,
સનાતન સત્ય કોઈને હવે સમજાય તો સારું.
નથી શક્ય માનવ કદી અપેક્ષાશૂન્ય હોય જે,
કિન્તુ મળેલાંને મબલખ માની જવાય તો સારું.
પ્રયત્નોની પરાકાષ્ઠાએ મન મુરાદ પૂરી થતી,
ગુમાવેલાંને સહજતાથી સ્વીકારાય તો સારું.
દ્વંદ્વ જગતના આખરે દુઃખ આપનારા હોય,
સારાસાર વિવેક કોઈ ચહેરે નજરાય તો સારું.
ચૈતન્ય જોષી. ' દીપક ' પોરબંદર.
