Quotes by Chaitanya Joshi Deepak Porbandar in Bitesapp read free

Chaitanya Joshi Deepak Porbandar posted an update Gujarati Poem

અસાંગરો હરપળ હરઘડી હરિવર મારે તારો.
શું કરું? મારે બસ એક તારાથી હોય પનારો.

તારા શરણે સાંપડે સર્વસ્વ તારા બસ વિચારો,
એક આશા તારી હરિવર દેજે મને તું આવકારો.
અંતરને હોય હરિ સદાકાળ તારો એક જ નારો
અસાંગરો હરપળ હરઘડી હરિવર મારે તારો.

નયન કરે દીદાર દયાનિધિ દેજે એવા આકારો,
તારામાં સઘળું સમાયું કોણ હારોહાર હો તારો?
મારે મબલખ તારી દયાથી તારા જેવા અણસારો,
અસાંગરો હરપળ હરઘડી હરિવર મારે તારો.

તારા વિયોગે સાવ સૂનકાર ભાસે થાઉં અણોહરો,
વિનંતિ મારી વિશ્વપતિ તમે હવે તો કાને ધરો,
હૈયાવાસી હણો વિકારને ખરોખોટો નક્કી કરો,
અસાંગરો હરપળ હરઘડી હરિવર મારે તારો.

ચૈતન્ય ચંદુલાલ જોષી. ' દીપક ' પોરબંદર.

237 Views

3 others like this post.

Chaitanya Joshi Deepak Porbandar posted an update Gujarati Motivational

5 year ago

સમય છેને હજુ હસી લ્યો.
માનવતાથી દિલે વસી લ્યો.

સમય ફરીફરી ના મળવાનો,
કામ માનવતાનાં કરી લ્યો.

અણિનું ચૂક્યું સો વર્ષ જીવે,
જીવનમાં સૌરભ ભરી લ્યો.

આપ ભલા તો જગ ભલા,
એવી માન્યતા ઉરે ધરી લ્યો.

ક્યાં કોઈ છે કાયમી અહીંયાં,
કોઈ કાજે વસંતમાં ખરી લ્યો.

ના કોઈ નાનું ના કોઈ છે મોટું,
એવી સમાનતાને હવે વરી લ્યો.

ચૈતન્ય જોષી. " દીપક " પોરબંદર.

6 others like this post.

Chaitanya Joshi Deepak Porbandar posted an update Gujarati Motivational

5 year ago

મને તારાથી જુદો પાડી તો જો.
તારું મન બીજે તું વાળી તો જો.

છે બંધન આપણું રંગલાખવત્,
બીજે મારા જેવો તું ભાળી તો જો.

વાત છે ઉરના મિલનની માલિક,
તારી યાદીમાંથી મને ટાળી તો જો.

કોણ જોડાયું એ કહેવું મુશ્કેલ,
મારાવિના જાત સંભાળી તો જો.

નહિ મળે મને તારા જેવો સખા,
દોસ્તીના નામે દિલ પીગાળી તો જો.

ચૈતન્ય ચંદુલાલ જોષી. " દીપક "

6 others like this post.

Chaitanya Joshi Deepak Porbandar posted an update Gujarati Motivational

5 year ago

પ્રત્યેક મનના વિચારે આવો શ્રીહરિ.
અમારા દિલના દ્વારે આવો શ્રીહરિ.

સતત રહી ઝંખના તમારી અમને તો,
કૃપાદ્રષ્ટિની અમીધારે આવો શ્રીહરિ.

કરુણતા તમારી કદી ના ખૂટનારી હો,
ભક્તજનો તણા પોકારે આવો શ્રીહરિ.

વસમો વિયોગ વિઠ્ઠલ વર્ષોથી વેઠતાં,
અંતર આતમ આવકારે આવો શ્રીહરિ.

વામે દિલદુગ્ધા દયાનિધિ દ્રવતાં દેવ,
હવે ઝાઝું ન કહેવું મારે આવો શ્રી હરિ.

ચૈતન્ય ચંદુલાલ જોષી. " દીપક ".

225 Views

1 others like this post.

Chaitanya Joshi Deepak Porbandar posted an update Gujarati Motivational

5 year ago

પથ્થરમાં પણ પ્રાણ પ્રગટાવશે પ્રેમ તારો.
ખુદ હરિને સહજ ખેંચી લાવશે પ્રેમ તારો.

પ્રેમસાધ્ય પરમેશ પરાકાષ્ઠાએ પ્રગટનારા,
અંશ અંશીને પરસ્પર મિલાવશે પ્રેમ તારો.

ના શબ્દો, સ્તુતિ કે પદાર્થો લલચાવી શકે,
અંતર આરઝૂથી એને રીઝાવશે પ્રેમ તારો.

જીવનની અણમોલ ઘડી હશે મુલાકાતની,
ખુદ હરિને પણ ખરેખર ફાવશે પ્રેમ તારો.

હશે અપેક્ષિત ઊભયપક્ષે પામવાની આશા,
પામી પોતાનાંને મુખ મલકાવશે પ્રેમ તારો.

ચૈતન્ય જોષી. ' દીપક ' પોરબંદર.

222 Views

2 others like this post.

Chaitanya Joshi Deepak Porbandar posted an update Gujarati Blog

5 year ago

સાવ થઈ ગયો ફિદા તારી વાત પર.
હતી એ કેવી રે અદા તારી વાત પર.

નહોતી કેવળ શબ્દોની ગોઠવણીને,
વારી ગયો હું એકદા તારી વાત પર.

આમ તો ઘાયલ થયો છું એના થકી,
રહ્યો છું ચાહક સદા તારી વાત પર.

શું રહી છે ફિલોસોફી તારી મઝાની,
અમાસને કરે પ્રતિપદા તારી વાત પર.

સકારાત્મક વાત તારી ગ્રાહ્ય સહુને,
અવસર ગણાવે આપદા તારી વાત પર.

ચૈતન્ય ચંદુલાલ જોષી.

248 Views

6 others like this post.

Chaitanya Joshi Deepak Porbandar posted an update Gujarati Blog

5 year ago

ના મૂલવો ભાવને અક્ષરો ગણીગણીને.
ના મૂલવો ભાવને શબ્દોને વણીવણીને.

શબ્દ અર્થ આખરે તો અભિવ્યક્તિ છે,
ના મૂલવો ભાવને છંદોને ભણીભણીને.

હોય એ હેત હૈયાનું વહેતાં ઝરણાં સમું,
ના મૂલવો ભાવને જોડણી વીણીવીણીને.

પ્રેરણા ઈશની કદી ના બેકાર જનારી હો,
ના મૂલવો ભાવને ગજ લૈ ભણીગણીને.

સ્નેહસરિતા હોય વહેતી કવિનાં હૃદયમાં,
ના મૂલવો ભાવને આરજૂ ઘણીઘણીને.

ચૈતન્ય ચંદુલાલ જોષી. " દીપક "

227 Views

2 others like this post.

Chaitanya Joshi Deepak Porbandar posted an update Gujarati Poem

5 year ago

ફરીને આવું છું, ફરીને નૈ આવું!
જાતને લાવું છું, ફરીને નૈ આવું!

હે ઈશ જગત આખું ભટકી લીધું,
ક્યાં હું ફાવું છું? ફરીને નૈ આવું!

જોયા ઘણાં પણ તારા જેવા નહીં,
ગીત તારું ગાઉં છું, ફરીને નૈ આવું!

સોંપ્યું સર્વસ્વ સરકાર તારા ચરણે,
હું ક્યાં જાઉં છું? ફરીને નૈ આવું. !

આવકારજે અબ્ધિવાસી અવિનાશી,
તને હું મનાવું છું, ફરીને નૈ આવું !

ચૈતન્ય ચંદુલાલ જોષી. " દીપક " પોરબંદર.

246 Views

7 others like this post.

Chaitanya Joshi Deepak Porbandar posted an update Gujarati Blog

5 year ago

ના સમદરની અભિલાષા સરિતા મોકલો.
ના ધનધાન્ય કે સન્માનની કવિતા મોકલો.

ઊભો છું બારણે રાહ જોઈને હું એકલો,
એકાદ બે માનવીને મને મલકતા મોકલો.

આશાવાદની ઇમારત ચણી રહ્યો છું હવે,
કોઈ સ્નેહીઓ નિરાશાને વિદારતા મોકલો.

સાવ ગયો છું નિષ્ફળ લોકોની નજરમાં,
હોય કોઈ આપ્તજન તો સમજતા મોકલો.

આપણે સાથે મળી માનવતા મહેકાવીએ,
શિશુ સમી નિખાલસ કોઈ સરળતા મોકલો.

ચૈતન્ય ચંદુલાલ જોષી. " દીપક "

5 others like this post.

Chaitanya Joshi Deepak Porbandar posted an update Gujarati Motivational

5 year ago

માનવે માનવે માનવતા હોતી નથી.
દરેકમાં વળી કૈં સરળતા હોતી નથી.

આકૃતિમાં હોય છે માનવ પ્રત્યેક,
બાકી પ્રકૃતિમાં સમાનતા હોતી નથી.

અહંનો આંચળો ઓઢીને જીવે છે,
પણ વ્યવહારમાં સુગમતા હોતી નથી.

સહેલું છે દેવ થવાનું સહુ કોઈએ,
માનવ બનવામાં અનુકૂળતા હોતી નથી.

મકસદ માનવ થૈને જીવવાનો સદા,
એમાં આચરણે વ્યાકુળતા હોતી નથી.

ચૈતન્ય ચંદુલાલ જોષી. " દીપક "

5 others like this post.

Quotes by Chaitanya Joshi Deepak Porbandar in Bitesapp read free

Chaitanya Joshi Deepak Porbandar

Chaitanya Joshi Deepak Porbandar posted an update Gujarati Poem

Chaitanya Joshi Deepak Porbandar posted an update Gujarati Motivational

Chaitanya Joshi Deepak Porbandar posted an update Gujarati Motivational

Chaitanya Joshi Deepak Porbandar posted an update Gujarati Motivational

Chaitanya Joshi Deepak Porbandar posted an update Gujarati Motivational

Chaitanya Joshi Deepak Porbandar posted an update Gujarati Blog

Chaitanya Joshi Deepak Porbandar posted an update Gujarati Blog

Chaitanya Joshi Deepak Porbandar posted an update Gujarati Poem

Chaitanya Joshi Deepak Porbandar posted an update Gujarati Blog

Chaitanya Joshi Deepak Porbandar posted an update Gujarati Motivational

Follow Us On:

Download Our App :