#Kavyotsav
सुन्या मैफीलीत
आठवु नको पुन्हा मला
एकटा तु असताना
रात्री वाटतील सुन्या-सुन्या
जीवन तुला जगताना
पुन्हा नव्याने उभ रहा
सा-या यातना सोसताना
मुरड घाल तुझ्या खचलेल्या मनाला
आठवु नको पुन्हा मला एकटा तु असताना
चुक तुझीही होती तशी माझीही
निर्णय तुझाही चुकला तसा माझाही
झाले - गेले विसरुन पुसुन टाक त्या खुणांना
आठवु नको पुन्हा मला एकटा तु असताना
इतका कठोर नाहीस तु
सहजा - सहजी सार विसरायला
पण कठोर थोड व्हाव लागेल
आव्हाने सारी पेलताना
आठवु नको पुन्हा मला एकटा तु असताना
- पूनम माळी
