ગઝલ...
કોઇના પણ દિલને તું તોડ્યા ન કર,
માનવી છે માનવી પર ઘા ન કર.
ફાવે નહિ ભાષા ઇશારાની મને,
સીધી સીધી વાત કર ચાળા ન કર.
કાંઇ ના લાવ્યો હતો દુનિયામાં તું,
શાંતિથી તું જીવ ને નખરા ન કર.
આયનો પણ પ્રેમ કરવા લાગશે,
આયનામાં ખુદને તું જોયા ન કર.
રાખજે વિશ્વાસ તું ખુદની ઉપર,
ભયને દિલમાં રાખી જપમાળા ન કર.
જાણજે બીજાની પણ પીડા કદી,
જિંદગીમાં ફક્ત તું જલસા ન કર.
વાત સાંભળ માત્ર દિલની રોજ તું,
આ મગજની વાત તું માન્યા ન કર.
વીતી જાશે આ સમય પળવારમાં,
વાત દિલની દિલમાં તું રાખ્યા ન કર.
આંગણું 'ધબકાર'નું ઉમદા જ છે,
સ્હેજ પણ જોયા વગર ચાલ્યા ન કર.
-ઉમેશ તામસે 'ધબકાર',
વ્યારા (તાપી)
