કોણ તને બહુ ચાહે છે, એ ગૂગલ નહિ કહે,
કોણ તને નિભાવે છે, એ ગૂગલ નહિ કહે.
કેટલા લોકો શ્વાસો લે છે ગૂગલ કહેશે,
કોણ ખરેખર જીવે છે એ ગૂગલ નહિ કહે.
ક્યારે સૂવું, ક્યારે ઊઠવું? પૂછી શકીએ,
ક્યારે સપનું આવશે એ ગૂગલ નહિ કહે.
ઉપર ઉપરના સઘળા વ્યવહારો કહેશે,
પણ મનમાં શું ચાલે છે એ ગૂગલ નહિ કહે.
‘સાથે છું’ કહેનારા પણ સાથે ના હો,
તેઓ કોની સાથે છે? એ ગૂગલ નહિ કહે.
પ્રેમ માટેના શબ્દો ગૂગલ કહેશે...
પણ લાગણીઓ વિશે ગૂગલ નહિ કહે.
