સવાર
થઈ રહી ભોર રળિયામણી
લહેરાતી લહેર શીતળ મારુતની.......
મધુર મીઠા ગાન સૌ પંખીઓના
સુવાસ એ ધૂપ દીપની ને સૂર એ ઝાલરના.....
જાગ્યા પેલા વાડે વાતો કરતાં વેલા "વ્હાલા"
ઓસ ઝીલી બૂંદ કેરી,શોભતા પેલા તરુ "પુષ્પ"
ફોરમ ભરી ખીલવાને આતુર એ કળીઓ મહેકતી
વરસાદથી સઘળે લીલી હરિયાળી લહેરાતી.....
ગગન કેરા ગોખમાંથી સૂર્ય દીઠતો
અવકાશના આંગણે પગલી એ પાડતો......
મહેંકી ઊઠી ધરા સવારની સળવળથી
ઉડાન ભરી સૌએ સવારની તાજગીના તેજ ભરી..
થઈ સુંદર સવાર તાજગીના તેજ ભરી.....
જય શ્રી કૃષ્ણ શુભ સવાર
