ગામડાની સવાર
ગામડું તો ગામડું જ છે......
વાત જ એની કંઈક નોખી છે!............
સવારની સોહામણી સળવળ છે
મંદિરની ઝાલરને પંખીના સાદ છે!........
ખેતરે ઝાકળ કેરી રૂપેરી ચાદર છે"પુષ્પ"
તેમાં સૂરજના કિરણોના રૂડા તે નૂર છે!.....
દોહવાતા દૂધણાના મીઠા એ સૂર છે
ભાંભરતા વાછડાના કેવા મીઠેરા નાદ છે!....
ઝાડવે કેવા પેલા પંખીઓના ગાન છે
જુદા એ સૂરોમાં અનોખો આનંદ છે!.........
ખળ ખળ વહેતાં પાણીડાની ધાર છે
ઊડતી વરાળનો નજારો નયનરમ્ય છે!.......
ખેતરેને વગડે શબનમ કેરી ઓઢી ચાદર છે
તુષારની એ બૂંદોમાં રવિના તેજનો પ્રકાશ છે!...
ખીલતી ઉષાની શોભા પળ બે પળની છે
માણો પ્રકૃતિ તો ધરતી પર જ સ્વર્ગ છે!.......
જય શ્રી કૃષ્ણ:પુષ્પા.એસ.ઠાકોર
