ત્યાગીને જોયું મેં
અફીણી ઊંઘમાં વર્ષો સુધી ભાગીને જોયું મેં
પરંતુ આખરે આવી ગઝલ, જાગીને જોયું મેં
હતી બહુ ધૂંધળી પણ જ્યોત દેખાતી હતી છેડે
વિષમતાનું ગહન ગાઢું, તિમિર તાગીને જોયું મેં
સમય નક્કી અને હિસ્સો નિયત છે ઇંતઝારીનો
વધુ, વહેલું મળે ક્યાં? કેટલું માગીને જોયું મેં!
નથી સહેજેય મારી હેસિયત, જાણી ગયો તરત જ
જરા પૂરતું તમારા જેવું જ્યાં લાગીને જોયું મેં
પરમ ઉપભોગથી ઉત્તમ બીજું કંઈ નથી જગમાં
તમારા સમ! ખરું કહું છું! ઘણું ત્યાગીને જોયું મેં!
~ ગઝલઃ શોભિત દેસાઈ
~ આસ્વાદ : જયશ્રી વિનુ મરચંટ
- Umakant
