"તું ભૂલી જા મને,
મને કોઈ બીજો મળી ગયો છે જે મને ખુબ પ્રેમ કરે છે
ને હું પણ કરવા લાગી છું,
મને ભૂલી જા...."
કેટલી સરળતાથી કહેવાયેલાં એનાં આ ક્રૂર શબ્દો
મારી લાગણીઓને જાણે તાર તાર કરી રહ્યા હતાં,
મને કોઈ શબ્દો સુજતા નહોતાં કે આની
આગળ કયા શબ્દો હોઈ શકે.
શુ આને અમારાં પ્રેમની હાર કહી શકાય
કે પછી ફક્ત મારાં પ્રેમની ?
શુ આમાં મારો વાંક હોઈ શકે
કે પછી નસીબે ગોઠવેલાં ચોઘડિયાઓનો ?
શુ મારાં હાથમાંથી સરકતાં આ પ્રેમને રોકવો શક્ય છે કે પછી
આઝાદ પારેવડાની જેમ ખુલ્લી હવામાં
ઉડતો મૂકી દઉં એને...
