દરેક સ્ત્રીને ઈચ્છા છે કે , ફરી એ બાળકી બને;
મમ્મી - પપ્પાની ખુશીની ફરી એ કિલકારી બને.
એ નાનપણની બહેનપણી અને શાળા,લાડકીને પાછી મળે;
પપ્પાને ડરાવવા ઊભી રહેતી જિંદગી દીકરીને છાની મળે
આતો સમય આગળ આગળ નીકળતો ગયો ;
અને લાડકી દિકરીના શોખ ઘણા ઓગળતો ગયો.
લગ્ન કરી લાડકીના, પાત્રો ઘણા ઉમેરાયા;
પણ જુવોતો આપણાથી ક્યાંક, એ લાડકીના શોખ તો નથી બંધાયા?
ખોલી પાંખો ઉડાન ભર , સ્ત્રી છું એવું વિચારી તું ના ડર;
ઈચ્છા મારવા કરતા ,એને પૂરા કરવા તું પણ શિખરો સર કર.
© - અંકિત કે ત્રિવેદી 'મેઘ'
