" થાક ઘડપણનો "

હાથમાં હોય હાથ જો હમસફરનો;
તો પછી લાગે નહીં થાક ઘડપણનો;

એકલતામાં લાગે ચમન પણ ફિક્કું,
સનમના સંગાથે જામે રંગ રણનો;

દિવસો વિરહના થઈ જશે પસાર,
સદા સાથ છે જો એના સ્મરણનો;

સફર થાય આસાન કબર સુધીની,
મળી જાય સથવારો એક જણનો;

મળ્યો સંગ ઘડીભર જો હમસફરનો
તો, ન રહ્યો ડર "વ્યોમ" હવે મરણનો;

✍... વિનોદ. મો. સોલંકી "વ્યોમ"
જેટકો (જીઈબી), મુ. રાપર.

Gujarati Poem by વિનોદ. મો. સોલંકી .વ્યોમ. : 111992714

The best sellers write on Matrubharti, do you?

Start Writing Now