હરવખ્ત નદી નાવ સંજોગથી વર્તવાનું નહિ ફાવે.
ને આતતાયીઓને સજ્જન કહેવાનું નહિ ફાવે.
ઉદારમતવાદી થવું એ સારી બાબત ગણાય છે,
પણ વારંવાર માફ કરી દઈને ભૂલવાનું નહિ ફાવે.
જતું કરવું પણ કેટલી હદ લગી, માપદંડ જરુરી,
એકલપક્ષે પીછેહટ કરી મોળા દેખાવાનું નહિ ફાવે.
શાંતિ રાખવાની કે ક્ષમાને નિર્બળતા ગણાવાય,
માફ કરવાની રીત હરહંમેશ આચરવાનું નહિ ફાવે.
જેવા સાથે તેવાનો છે જમાનો આજ તો ' દીપક',
રિસાવાના આદતીને હંમેશાં મનાવવાનું નહિ ફાવે.
- ચૈતન્ય જોષી. ' દીપક ' પોરબંદર.
