રોજીંદી ઘટમાળ
"સૂરજ"ની સોનેરી સવારની ને,
"ચંદ્ર"ની ચાંદની રાતની
રોજીંદી ઘટમાળ...
"મરજીવા"ની સાગરમાં ડૂબકીની ને,
"પર્વતારોહક"ની પર્વતારોહણની
રોજીંદી ઘટમાળ...
"ફૂલ"ની સુગંધ પ્રસારવાની ને,
"પંખી"ની ગગન વિહારની
રોજીંદી ઘટમાળ...
"સંત"ની સત્સંગ કરવાની ને,
"ભક્ત"ની ભજન કરવાની
રોજીંદી ઘટમાળ...
"વીર"ની વીરતા માટે બલિદાનની ને,
"સતી"ની સતનાં પારખા માટેની
રોજીંદી ઘટમાળ...
"જ્ઞાની"ની જ્ઞાન મેળવવાની ને,
"સાહસિક"ની સાહસ કરવાની
રોજીંદી ઘટમાળ...
"કલમ"ની શબ્દને કંડારવાની ને,
"શબ્દ"ની વાક્યમાં નિરુપણની
રોજીંદી ઘટમાળ...
"કવિ"ની કલ્પનાની કવિતાની ને,
"લેખક" ની લેખ આલેખવાની
રોજીંદી ઘટમાળ...
"જીવન"ની દરેક ક્ષણે બદલાવની ને,
"ક્ષણ"ની જીવન સાથે બદલાવની
રોજીંદી ઘટમાળ...
રાજેન્દ્ર ચૌહાણ.....
