મેં એ ખેડૂત જોયો છે.
કાળા તાપે પરસેવો પાડી,
ધાન પકવતો,
મેં એ ખેડૂત જોયો છે.
કુદરતી વેર સામે બીજું કોઈ નહી,
પણ વારે-વારે થપાટ ખાતો,
મેં એ ખેડૂત જોયો છે.
પોતાની મહેનત પર બીજા બોલ કરતા,
અંતે પોતે જ છેતરાતો,
મેં એ ખેડૂત જોયો છે.
જતી જીંદગી એ લોકો કહેતા છોળ-છોળ,
પણ તે ચિંતા ના છોળી શકતો,
મેં એ ખેડૂત જોયો છે.
જગતનો તાત કહેવાતો ખેડૂત,
છતાં શા માટે આપધાત કરતો,
મેં એ ખેડૂત જોયો છે.
બધી વેદના વચ્ચે પણ મન મોટુ રાખી ને,
જગનું પેટ ભરતો,
મેં એ ખેડૂત જોયો છે.
હુંતો નો ભણ્યો એટલે આવ્યો વારો ઢેફા ભાંગવાનો,
પણ બટા તું ભણજે એવું કહેતો,
મેં એ ખેડૂત જોયો છે.
-સિધ્ધાર્થ રોકડ
