ప్రేమ... ఓ అమృతవర్షిణి
ప్రేమంటే
ఏమని చెప్పాలి
ఎలా తెలపాలి
ప్రేమకు రూపం ఉంటే ...
అది అమ్మగా అగుపించదా .
ప్రేమే బాధ్యత అంటే..
అది నాన్నగా కనిపించదా.
ప్రేమే రక్షణ అయితే ...
తోబుట్టువుగా నీ పక్కన నిలబడదా .
ప్రేమే నిస్వార్ధం అంటే ...
అది స్నేహమై నిను అల్లుకోదా.
ప్రేమే జన్మల బంధమంటే ...
జతగా తోడై నీ దరి చేరదా.
ప్రేమే లేని ప్రపంచం ...
ఊపిరి ఉన్నా జీవచ్ఛవం.
అణువణున నిండినది.
బ్రహ్మాండమంతా ఎదిగినది
అందరిలోనూ ఉన్నది .
అంతర్వాహినిగ మారినది.
నీతోనే, నీలోంచే మొదలైతే...
ఎడతెగక ప్రవహించే జీవనది..
అమృతాన్ని వర్షించే మధుర సుధా గని.
***%%%***
బాగుంటే రేటింగ్ ఇవ్వండి..
నచ్చితే సమీక్ష రాయండి.
ప్రేమతో ♥️
మీ 🤗
ఫణికిరణ్ 🙏
