#લાગણીઓની સફરે
સેજલ રાવલ
" તો પછી કહી દે ને કે નહીં આવુ "
બપોરના બે અઢીક વાગે,
રાત જેવુ વળી અંધારું શીદને કયુઁ?
હરખાણુ મન માંરુ કે આજે તો પાક્કો આવશે,
શું તારા ય વાદળ ખાલી છે?
તેય આજે પાણી નથી ભર્યું?
બે હાથ પહોળા કરીને તને નોતરુ?
કે પરબીડિયામા કાગળ મોકલું?
વણનોતર્યા આવવું હોય તો આવ,
હવેતો વાટ જોઈને અમેય મન વાર્યુ!
બીજે ઘેર પહેલો જાય,
તો અમારો શું વાંક!
શું એમણે આવભગતમાં,
અમથી વધારે નાણું વાપર્યું?
ઘડીક કાળુ ને ઘડીક ધોળુ ને ઘડીક વાદળી,
આકાશી રંગોળી પૂરી બહુ નાચ્યો
હવે આવવું હોય તો આવ,
નહીં તો પછી કહી દેને કે નહીં આવુ!!!
