સવારે ઉઠ્યા તો સાંજે સૂવાની કોઈ ગેરંટી નહી,
ને રાત્રે સૂતા તો સવારે ઉઠવાની કોઈ ગેરંટી નહી.
જોઈ લેજો આંખો ભરીને પલક ઝપક્યા વિના,
હમણાં મળ્યા ને હવે પછી મળાશે, કોઈ ગેરંટી નહી.
આપણું આયોજન તો છે આખું આયખું જીવવાનું,
એક પલમાં આવરદા પુરી પણ થાય, કોઈ ગેરંટી નહી.
ભાગી ભાગી ને ભલે ભેગું કર્યું હોય જીંદગી આખી,
પરંતુ એ ભોગવવા મળશે કે નહીં, કોઈ ગેરંટી નહીં.
નાગ થઈ ને ભલે બેઠા હો ચલણી નોટ પર ફેણ માંડી,
આજે ચલણમાં છે ને કાલે પણ હશે, કોઈ ગેરંટી નહી.
જીંદગી તો એક કાચનું વાસણ છે, સંભાળજો જરા
અધવચ્ચે ફુટી જશે કે આખું રહેશે, કોઈ ગેરંટી નહી.
Dhara k Bhalsod
