વધેલું ભોજન
એ જોતો જ રહી ગયો. એની નજર ની સામે જ એ વસ્તુ ફેંકી દેવાય જેના માટે તે તરસતો હતો. કોણ જાણે કેટલા દિવસો સુધી!
ફરી આજે એક વાર વધેલું ભોજન એ ગંદકી કરતું એંઠવાડ ના ઉકેડા માં ઠલવાઈ ગયું અને એ બસ એટલું જ કહેવું હતું કે મને આપો પણ ન કહી શકાયું.
ત્રીજો દિવસ. આખરે તેણે હિંમત કરી અને કહ્યું ને તેની સામે તિરસ્કાર પૂર્ણ જોવામાં આવ્યું.
ચોથો દિવસ. ફરી એ જ ક્રમ. પરંતુ આજે એ માણસ દેખાયો નહીં અને હવે દેખાશે પણ નહીં.