સાદગી ના સરનામે જોઈ 'તી જેને, એ હું હતી,
લાગણી ના ઉપનામે જોઈ'તી જેને, એ હું હતી..
ખુદ ખર્ચાઈ ને કાયમ સંબંધો કમાણા સાહેબ..!
છતાં , અંતે શૂન્ય ના ઠેકાણે જોઈ'તી જેને , એ હું હતી..
સ્નેહના સંભારણે જોઈ'તી જેને, એ હું હતી,
સમજણ ના બારણે જોઈ'તી જેને, એ હું હતી..
ભાન ભુલાવી ને કાયમ સંજોગો સાચવ્યા સાહેબ..!
છતાં, અંતે સંતાપ ના ઠેકાણે જોઈ'તી જેને, એ હું હતી..
પ્રેમ ના પરમાણે જોઈ'તી જેને, એ હું હતી,,
વહેમ ના બંધાણે જોઈ'તી જેને , એ હું હતી..
જાત સંકેલી ને કાયમ શમણાંઓ સંતાડ્યા સાહેબ..!
છતાં, અંતે સ્વાર્થના ઠેકાણે જોઈ'તી જેને, એ હું હતી..
નિલમ કી કલમ✍️
