શર્ટનું થીગડું છુપાવીને મારા નવા કપડાં લાવતા'તા,
તોયે મને પપ્પા કંજૂસ લાગતા'તા!
ટિફિનની રોટલી ખાઈને ગરમ જમાડતા'તા,
તોયે મને પપ્પા ગરમ લાગતા' તા!
ઓફિસનો થાક ભૂલાવીને મારી સાથે રમતા'તા,
તોયે મને પપ્પા આળસુ લાગતા'તા!
આંખના આંસુ છુપાવીને શિક્ષા આપતા'તા,
તોયે મને પપ્પા કડક લાગતા'તા!
ખુદ ને ભૂલી જઈને મારું જીવન સંવારતા'તા,
તોયે મને પપ્પા મતલબી લાગતા'તા!
કઠોર ચહેરા પાછળ કોમળ હૈયું છુપાવી રાખતા' તા,
એટલે જ તની મને પપ્પા કદી ન સમજાયા'તા!!
-તની
