Motivational quotes are very popular on BitesApp with millions of authors writing small inspirational quotes in Gujarati daily and inspiring the readers, you can start writing today and fulfill your life of becoming the quotes writer or poem writer.
એક સારો શિક્ષક કેવો હોય?
1. ઊંડી સૂઝ બૂઝ ધરાવતો હોય.
2. પોતાનાં વિષયનું યોગ્ય જ્ઞાન ધરાવતો હોય.
3. વિદ્યાર્થીઓ પ્રત્યે પ્રેમ અને સહાનુભૂતિપૂર્ણ વર્તન કરતો હોય.
4. 'પોતે જ શ્રેષ્ઠ છે' એવું અભિમાન ન હોય.
5. બાળકોમાં જિજ્ઞાસાવૃત્તિ જન્માવનાર હોય.
6. વિદ્યાર્થીએ પુછેલ પ્રશ્નનો એને સંતોષકારક ઉકેલ આપવા સક્ષમ હોય.
7. હંમેશા ઉત્સાહથી ભરપૂર હોય.
8. મોં કાયમ હસતું હોય. ઉદાસીન કે ગુસ્સો ભરેલો ચહેરો બાળકને પસંદ નથી હોતો.
9. કોઈ પણ બાળકને નબળું કે હોશિયાર ન ગણતાં બધાને એકસમાન ગણે.
10. ક્યારેય કોઈ વિદ્યાર્થી સાથે અન્યાય ન કરે.
11. બદલાની ભાવના બિલકુલ ન રાખે.
12. પોતાની સાથેના અન્ય શિક્ષકો કરતાં પોતાને ચઢિયાતા સાબિત કરવાનો પ્રયત્ન ન કરે. એનું કામ જ એને યોગ્ય પદવી આપશે.
13. કોઈ પણ વિદ્યાર્થીને શાંતિથી સાંભળવાની ધીરજ ધરાવતો હોય.
14. વર્ગમાં કોઈ વિદ્યાર્થી અચાનક ઉદાસ દેખાય તો એ બાબત એનાં ધ્યાનમાં આવવી જોઈએ.
15. એની પોતાનાં મુદ્દાઓ સમજાવવાની પદ્ધતિ એકદમ સરળ હોવી જોઈએ.
16. વર્ગમાં ક્યારેય પણ પોતાનાં તાસનું યોગ્ય અધ્યયન કર્યા વગર જવો ન જોઈએ.
17. માત્ર પરીક્ષાલક્ષી ભણાવવાનો આગ્રહ ન રાખતાં તમામ મુદ્દાઓની વિસ્તૃત સમજૂતી આપે.
18. બાળકોને માત્ર પુસ્તકમાં હોય એટલું જ જ્ઞાન આપવાને બદલે ક્યારેક દુન્યવી જ્ઞાન પણ આપે.
19. કોઈક દિવસ એવો પણ રાખે કે જ્યારે એ બાળકોને થોડા સામાન્ય જ્ઞાનને લગતાં મુદ્દાઓની ચર્ચા કરે. આનાથી બાળકોને એક વિરામ મળી જશે અને તેઓ ફરીથી તાજગી અનુભવી વધુ ધ્યાન કેન્દ્રિત રાખી શકશે.
20. બાળકોને પ્રેરણા આપતી કોઈ વાર્તા કે પ્રસંગની ચર્ચા કરે... ✍🏻 ✨