મુબારક હો આપને એવી શુભેચ્છા નવા વર્ષે,
લાભવંતુ રહે આપને એવી શુભેચ્છા નવા વર્ષે.
ભલે નવી નવી ગાડીઓ ખરીદો નવા વર્ષે,
કરશો ના કદી ભાવતાલ નાના માણસ સાથે નવા વર્ષે..
તવંગર ભલે કરે લાખોના ધુમાડા ફટાકડામાં,
ક્યારેય કોઈ ગરીબ ભૂખ્યો ન મરે એ જોજો નવા વર્ષે.
મંદિરો માં ભલે ભરાય છપ્પન ભોગ ભગવાનને,
જોજો બહાર ભિખારી કોઈ ભૂખ્યો ના સુવે નવા વર્ષે.
આપણે ઝાકમઝોળથી ઉજવીએ નવા ઉત્સાહથી નૂતન વર્ષ,
બસ એક પાર્થના કરજો ટનલમાં ફસાયેલા શ્રમિકો માટે નવા વર્ષે.
ભાઈબીજે કેટલીયે બહેનો રાહ જોવે છે સૈનિક ભાઈઓની,
એક સલામ ભરજો દેશીની રક્ષા કરતા જવાનને નવા વર્ષે.
છપ્પનની છાતી વાળો બરાબર જાણે છે પીડા એ ફોજીની,
એટલે તો ઉજવે છે દિવાળી એમની સાથે વિતાવીને નવા વર્ષે.
-રમેશ શર્મા
15/11/2023
