નથી બનવું રાધા કે નથી બનવું મીરાં
તમને સંપૂર્ણ પામવાની ચાહના છે
એટલે જ બનવું છે રુક્મિણી મારે.
નથી રમવી સાથે રાસલીલા;
નથી પીવુ 'ઝેર' મારે
સાથે એક થાળી માં જમવા ની ચાહના છે
એટલે જ બનવું છે રુક્મિણી મારે.
નથી ભૂખ તરસ વેઠવી વિરહમાં
નથી મૂર્તિ ને ભોજન જમાડવું મારે
એંઠા તાંદુલ ખાવાની ચાહના છે
એટલે જ બનવું છે રુક્મિણી મારે;
નથી રહેવું રાધા કિશોરી
નથી દ્વારિકા ની મૂર્તિમાં સમાવું મારે
પટરાણી બનવાની ચાહના છે મારે
એટલે જ બનવું છે રુક્મિણી મારે......
એન. આર. ખીમસુરિયા
