મારા અંતરને સદાય વાંચનાર,
કે રામ તમે આવોને.
શરણાગતને તમે રક્ષનાર,
કે રામ તમે આવોને.
કાક બનીને આંગણિયે ફરતો,
પૂરી તમારી ઝૂંટવનાર,
કે રામ તમે આવોને.
શિલા બનીને પડી મારગ મધ્યે,
ચરણરજે અહલ્યા કરનાર,
કે રામ તમે આવોને.
શબરી બનીને હું તો બોરને વીણતી,
આરોગોને રાઘવ સરકાર,
કે રામ તમે આવોને.
હનુમંત બની હું તો રામને શોધતો,
સામેથી દરશન આપનાર,
કે રામ તમે આવોને.
દશાનન પ્રહારે પડીને પોકારતો,
નિજઅંકે તમે પંપાળનાર,
કે રામ તમે આવોને.
બની વિભીષણ લંકામાં વસતો,
ભ્રાતાપ્રહારે તમે મળનાર,
કે રામ તમે આવોને.
અંતરની વેદના અવિરત અવિનાશી,
મૂકભાષા પ્રભુ સમજનાર,
કે રામ તમે આવોને.
- ચૈતન્ય જોષી. ' દીપક ' પોરબંદર.
