ડગલેને પગલે પ્રશ્નાર્થ બની જતી જિંદગી.
ના ક્યારેય એ વિધ્યાર્થ બની જતી જિંદગી.

એક સાંધીએ ત્યાં તેર તૂટે એવા ઘાટ થતા,
માનવી આગળ સમર્થ બની જતી જિંદગી.

જ્યાં મોજશોખ કે વૈભવમાં વેડફાઈ જતી,
તજી કર્તવ્યને એ વ્યર્થ બની જતી જિંદગી.

પૈસાની આંધળી દોટમાં રાજીરાજી થઈને,
જાણે કે સર્વસ્વ એ અર્થ બની જતી જિંદગી.

આચારમાં કૂડકપટ કે શૈતાન વસી જાયને,
પ્રભુબક્ષિસ આખરે અનર્થ બની જતી જિંદગી.

કેટલીક વીતી જતી તો કેટલીક જીવાઈ જતી,
સજ્જનના સંગે ચરિતાર્થ બની જતી જિંદગી.

ચૈતન્ય જોષી. ' દીપક ' પોરબંદર.

Gujarati Poem by Chaitanya Joshi : 111784630

The best sellers write on Matrubharti, do you?

Start Writing Now