મારી ભીંતર સળગતો એક પ્રશ્ન પૂછું તને?
મને ખબર છે જવાબની, છતાં સવાલ કરું તને?
પ્રેમથી તરબતર એક પત્ર લખી મોકલું તને!
બદલામાં એમને પ્રેમરૂપી પત્ર નહિ મળે, છતાં પત્ર લખી મોકલું તને?
નથી જાણતી કેટલી વાર મૂક્યો હશે મેં પ્રેમનો પ્રસ્તાવ!
ફરીવાર પ્રસ્તાવ મૂકી અજમાવું તને?
હજુ પણ આંખના આંસુ સુકાવાનું નામ નથી લેતા,
અને તમે ' ભૂલી જા ' કહી વિસરી ગયા મને?
વિશાળ હદય ઘૂઘવે છે, લઈ આશાનો સાગર.
સ્નેહથી બોલાવું મળવા, તો આવશો તમે?
-Taruna Makwana
