એક સ્વજનની વિદાયવેળાએ.
આમ અચાનક ઓચિંતું સૌને છોડીને ચાલ્યા જવાનું?
કુટુંબ પરિવાર સ્નેહી સંબંધીને મેલીને ચાલ્યા જવાનું?
ન ભૂલાય કદી એવી છબી અંકિત છે અમારા ઉરમાં,
આમ ભરવસંતે એકાએક કરમાઈને ચાલ્યા જવાનું?
હજી તો નાવ પહોંચી હતી મધદરિયે; દૂર કિનારાથી,
ને કોરોનાના ઝંઝાવાતે વળી સપડાઈને ચાલ્યા જવાનું?
વરસે છે આંખો અવિરત માતપિતાને પરિવારજનોની,
આમ એકલાં અટૂલાં મેલીને રિસાઈને ચાલ્યા જવાનું?
આપજે હરિવર એ આતમને શાંતિ શાશ્વત સદાએ,
સ્મરણો તારાં અમને વાગોળતાં કરીને ચાલ્યા જવાનું?
- ચૈતન્ય જોષી. ' દીપક ' પોરબંદર.
