મારે તારી ચાહત બનવું હતું,
પણ, હું તો તારી મિત્ર એ ના બની શકી.
મારે તારા જીવનની હમસફર બનવું હતું,
પણ, હું તો તારા જીવનનો માર્ગ એ ના બની શકી.
મારે તારી ખુશીનું કારણ બનવું હતું,
પણ, હું તો તારા અસ્તિત્વનું કારણ એ ના બની શકી.
મારે તારા જીવનની મહત્વની વ્યક્તિ બનવું હતું,
પણ, હું તો તારા જીવનની સામાન્ય વ્યક્તિ એ ના બની શકી.
મારે તારા ઘરની ગૃહલક્ષ્મી બનવું હતું,
પણ, હું તો તારા દિલની રાણી એ ના બની શકી.
મારે તારા પ્રેમના રંગમાં રંગાવું હતું,
પણ, હું તો તારા પ્રેમનો રંગ એ ના બની શકી.
મારે તારી તાકાત બનવું હતું,
પણ હું તો તારી નબળાઈ એ ના બની શકી.
મારે તારા જીવનની શરૂઆત બનવું હતું,
પણ, હું તો તારી વાર્તાનો અંત એ ના બની શકી.
મારે મારા કાન્હા ની રાધા બનવું હતું,
પણ, હું તો મારા કાન્હા નું સંગીત એ ના બની શકી.
-Vaishali Rathod
