છે ક્યાં કોઈ કિનારો આકાશને,
છે એ તો અનંત વિસ્તારે.
બનાવે છે અદ્ભૂત નજારો,
જ્યારે મળે છે સાગરને ક્ષિતિજે.
કહેવાય છે પક્ષીઓનું મેદાન,
અને દેવતાઓનું નિવાસસ્થાન.
છે એ રમણીય જ્યારે
થાય છે પરોઢ અને સંધ્યા.
અલૌકિક છે આ આકાશ,
બદલે છે નિતનવા રંગ.
રચાય છે રંગીન નજારો,
જે જુએ છે તેને મનથી.
રહસ્ય છે ગૂઢ એનાં,
જુઓ તો શું છે એનાં ગર્ભમાં?
મથે છે વૈજ્ઞાનિકો દિન રાત,
કળવાને રહસ્યો છુપા એ
અલૌકિક આકાશના.
છે રચાયું એક બીજું અલૌકિક આકાશ,
મનનાં ખૂણે છે એનો નિવાસ.
છે ઘણાંય વિચારો એ મનમાં,
બનીને વાદળ ફરે છે આસપાસ.
- સ્નેહલ જાની
