*પ્રભુ પાસે બેસો*
ના, જરૂરી નથી કે મંદિરમાં,
ઘરના જ કોઈ ખૂણે,
સોફા પર,
જગ્યા કોઈ પણ હોય,
પણ ત્યાં થોડી શાંતિ હોય.
ભગવાન સાથે તાદાત્મ્ય
કેળવવાની અનુકૂળતા હોય.
બસ તે જ તમારા માટે મંદિર .
*પ્રભુ પાસે બેસો;*
જેમ એક દીકરો પોતાની માં પાસે બેસે,
કોઈ માંગણી નહિ,
ફરિયાદ નહિ,
વાયદાઓ નહિ,
ઈચ્છાઓ નહિ,
અપેક્ષાઓ નહિ.
*પ્રભુ પાસે બેસો;*
તેમને પૂછો,
તમે ખુશ છો,
મારુ જીવન જોઈને ?
શું હું તમને ગમે તેવું જીવન જીવું છું ?
હોંશિયાર નહિ,
સહજ બનો.
ચતુર નહિ,
સરળ બનો.
*પ્રભુ પાસે બેસો.*
દિલ ખોલીને બેસો,
પોતાના દુર્ગુણો સમાજ પાસે ભલે છુપાવો,
પણ ભગવાન પાસે ના છુપાવો,
જેવા છો તેવો જ બનીને બેસો.
*પ્રભુ પાસે બેસો;*
રોવું આવે તો રડી લો,
હસવું આવે તો હસી લો,
કઈ ના સમજાય તો ચૂપ-ચાપ,
છાના-છપના બેસો,
પણ એકવાર ભગવાન પાસે બેસો.
આપણે મંદિરે જઈને,
તીર્થસ્થળે જઈને
પણ ક્યાં ભગવાન પાસે
બેસીએ છીએ ?
આપણે મંદિર અને તીર્થસ્થળે પણ
પતિ, પત્ની, ભાઈ, કાકા, કાકી,
ફૈબા, માસા કે મિત્ર પાસે જ
બેસીએ છીએ.
બહુ થયું હવે કોઈ નહિ, હવે,
*બસ પ્રભુ પાસે બેસો.*
ખુબ દોડ્યા,
હવે જરા અમથું થોભીએ.
ખુબ જોયું બહાર હવે
થોડું *ભીતર* ડોકિયું કરીએ.
જેને ચાર ધામોમાં શોધ્યા
તે તમારી ભીતર,
તમારી સાથે,
*તમારામાં * જ છે.
તમે જ તમારૂ મંદિર ને
તમે જ તમારા ભગવાન.
હવે થોડો સમય તમે તમારી સાથે બેસો,
*પ્રભુ પાસે બેસો.*
