કોઇનાં દિલે અટકીને પાછો આવું છું,
ધડકનની ધારામાં ભમીને પાછો આવું છું.
કુદરતની કલા નિહાળી હું ખુશ થાવ છું,
નિત્ય નિરંતર પ્રભુને મળીને પાછો આવું છું.
સુરજમુખી પરિમલથી વસંત ખીલી છે,
લીલીછમ વનરાઈને અડીને પાછો આવું છું.
તનિક્ષ લાગણીઓ મારી તરફ આવે ત્યારે,
મહોબતની મંઝીલ ચણીને પાછો આવું છું.
ચાર આંખોમાં ઇતિહાસ ઢબૂરાઈને બેઠો છે,
અઝીઝ શબ્દ સરિતામાં નાહીને પાછો આવું છું.
ભાટી એન અઝીઝ
25/12/20
