🌻
વ્યાકુળતા
હાથ જોડીને વિનંતી
એ પછી આ
હસતા ચહેરાનો હાહાકાર
ફરતો એ ચારે કોરથી
ડર હતો એ જ દોરથી
આસ-પાસ છે હારે હાસ
હાસિયાનો આ છે ક્યાસ
વ્યાકુળતાનો છે ઈતિહાસ
રાજસભામાં ઉપહાસ
માધવ-મોહન
છું એક દાસ
વ્યાકુળતાનો વધતો વ્યાસ
જુઓ એ દૌપદી
આ અને આથી
વધુ મૌન છે જાણે
ગુરુ,તાત,અને જાત-
... ઉદાસ
હસતો-હસતો ફરતો રાસ
દુશાસનનો વધતો ત્રાસ
અને વ્યાકુળતા જાણે આક્રંદ કરતી માધવ માધવ કહેતી
ચીસ ચારેકોરથી ચટ્ટાનને ચીરતી
દરિયાને ફીણતી
ગઢ જેવા પર્વતોને પડકારતી
ખડખડતો ખોદીને ગરકાવતી
આકાશ-પાતાળને પુકારતી
એ ચીસ માધવ માધવ કહેતી
તમને જ સંભળાતી હોય તો
સાંભળજો
પીગળાવતી એ
પૃથ્વીના પ્રાણ અને પ્રકૃતીને
ગ્રહો,નક્ષત્રોમાં આપાત-ગ્રહણને
દવથી દજાડતી દાવાનળને
રણ થૈ ગયેલા આ રેગીસ્તાનને
કરી નાખેલું છે યુગ-યુગાંતરમાં તોફાન ત્યારે
વૈકુઠનો પવન વંટોળે વળતો
શેષનાગનો પાશ ફરતો
દ્વારકાનો દ્વાર થડકતો
ત્યાં જ
વ્યાકુળતામાં આભ કકળતો
આકાશ વાણી કરતો
માધવ જુઓ આ દશા-દુર્દશા
ત્રેતાનો રાવણ
દ્વાપરનો દુશાસન
અને આ કળિયુગમાં !
રાવણ ઓળખાતો નથી
વેશ પલટો કરી લીધો છે એ
દુશાસને તો વેશ વણી લીધો છે
દરરોજ દૌપદી પુકારે છે
માધવ-માધવ કહીં ઉચ્ચારે છે
હાથ જોડેલી જીવતી-મરતી
વ્યાકુળતામાં આમ રજળતી
હે કૃષ્ણ-કૃષ્ણ
સંભળાય છે!
વ્યાકુળતા
જાગૃતિ મારુ
તા.૩૦/૧૧/૨૦૨૧
