એક ઓરડો ખાલી રાખવો છે આપણા નામ,
હું બારણું ખોલું ને તારી સ્મૃતિ વળગી પડે..
સાંજ પડે ને છૂટી જાઉં હું મારી વ્યસ્તતાથી,
તને મળવાની ખુશી મન પર બમણી થઇ ચડે..
હું સડસડાટ સીડીઓ ચડતી જ જાઉં છું,
મારા દિલના ધબકારા જાણે જોરથી ધબકી પડે..
હું દરવાજા સુધી પહોંચતા જ અટકી પડું છું,
જાણે આ આખીય દોડમાં જિંદગી હાંફે ચડે..
હું અંદર પ્રવેશું ને તું એમ જોવે મારી સામે,
જાણે મારા પગરવથી તું સાવધ થઈ શકે..
બોલાવે તારી તસ્વીરો આવ 'ધરતી' કહી,
હું તને સ્પર્શ કરું ને આંખથી આંસુ સરી પડે..
હું અગાસીએ દોટ મૂકી બસ એમ દોડી જાઉં,
જાણે આ હવા બની તું મારા આંસુ લૂંછી શકે..
મારી આંખોમાં રહેલું કાજળ રોજ ફેલાઈ પડે,
અને આકાશમાં રોજ એ કાળી રાત આવી ચડે..
હું ઊભી રહું તારી રાહમાં એમજ કલાકો સુધી,
અને અોચિંતો મારી સામે પેલો ચાંદ આવી પડે..
