મારી લાગણીઓ...
એક વર્ષ થયું આજે. તને યાદ છે, આપણે છેલ્લી વખત મળ્યા હતા.! અને છેલ્લી વખત જ એક થયા હતા. એ દિવસ મને આજે પણ યાદ છે. કશું નથી બદલાયું , બધું એમ જ છે. બસ ફરક એટલો જ છે કે એ હવે બધું મારી યાદોમાં છે.!
પણ તોય એક મોટો ફરક એ આવ્યો કે પહેલા હું તને 'તમે' કહી બોલાવતી અને આજે 'તું' કહી સંબોધુ છું. પણ એ બદલાવ ખાલી સંબોધનમાં જ હોં.! બાકી મારા દિલમાં બધું એમ જ છે, જેવું પહેલાં હતું. અને હા, હું પણ એવી જ છું જેવી તું મુકીને ગયો હતો .
કદાચ સમય સાથે ફરક આવ્યો હશે તારામાં.! પરંતુ હું તો આજે પણ એટલી જ તારી છું જેટલી પહેલાં હતી. આજે પણ તને એટલો જ પ્રેમ કરું છું જેટલો પહેલા કરતી હતી. ના.. કદાચ એથી પણ વધુ, હા આ પણ એક ફરક જ કહેવાયને.!
ફરક એ છે કે , એ છેલ્લી મુલાકાત મહિનાઓ પછીની હતી. હવે જો મુલાકાત થશે તો એ વર્ષો પછીની મુલાકાત હશે.
હા , એક ફરક આવ્યો છે મારામાં . હું પહેલાં કરતાં સટ્રોંગ થઈ ગઈ છું. પણ લાગણીઓ આજે પણ એ જ છે. હા , આવ્યો છે એટલો ફરક મારામાં, પણ એ ફરક તને ગમે એવો જ આવ્યો છે. હા, થઈ છું હું ઘણી સટ્રોંગ પણ તું તો આજે પણ મારી કમજોરી જ રહ્યો છે.
Rupal
