ગુરૂજી એ વચન બાણ માર્યા જી રે,
વાગ્યા મારા રૂદિયા ની માય મારા વાલમા.
ગુરુજી એ વચન બાણ..
પાયા રે પ્યાલા અમને પ્રેમના જી રે,
આવ્યા અમી ના ઓઙકાર મારા વાલમા.
ગુરુજી એ વચન બાણ..
અંતર પડદા એણે ખોલીયા જી રે,
આવી આનંદ ની લીલા લહેર મારા વાલમા.
ગુરુજી એ વચન બાણ..
ત્રીકુટી તાળા જેણે ખોલીયા જી રે,
સ્વયં થયો છે પ્રકાશ મારા વાલમા.
ગુરુજી એ વચન બાણ..
અખંડ સમાધી લાગી દેહમા જી રે,
ચડી છે આઠે જોને પોર મારા વાલમા.
ગુરુજી એ વચન બાણ..
હંસલા આવ્યા મોતીડા ચણવા ઓ જી રે,
અને બગલા ઉડી ઉડી જાય મારા વાલમા.
ગુરુજી એ વચન બાણ..
કબીર સાહેબ ની છે વિનંતી જી રે,
જન્મ મરણ મટી જાય મારા વાલમા.
ગુરુજી એ વચન બાણ માર્યા જી રે.
લાગ્યા રૂદિયા ની માય મારા વાલમા.
ગુરુજી એ વચન બાણ.
