નાની અમથી વાત...'કવર'
લો આજેય શીતલે ફોન ન ઉપાડ્યો. છેલ્લા ચાર દિવસ થી શીતલ ફોન ન હતી ઉપાડતી. કંઇ ખોટુ તો નહી લાગ્યું હોય ને ? અરે છેલ્લે એનો દિકરો કૅનેડા જવાનો હતો ત્યારે તો મળેલા. જમી-પરવારી ને ખુશી ખુશી તો છૂટા પડયા હતા. અરે ઠીક યાદ આવ્યું કવરમાં પૈસા તો મૂકયા હશે ને ? ભૂલી તો નહી ગઇ હોઉ ને? આમ તો કવર આપતી વખતે પણ છાને માને કવરમાં જોવાની મારી આદત હતી. ઘરમાં કહુ તો મારી જ ભૂલ કાઢે. મારા કામમાં ભલીવાર જ નથી. કઇ નહી જો ક્વર ભૂલથી ખાલી અપાયું હશે તો શીતલની માફી માંગી લઇશ એમ વિચારીને તાપસીએ મન મનાવ્યું . ત્યાં અચાનક બે દિવસ પછી શીતલનો ફોન આવ્યો . તાપસીથી રહેવાયુ જ નહી. એણે પુછી જ લીધુ, " કવરમાં પૈસા તો હતાને?" અને શીતલનો હાશ પમાડતો જવાબ," અરે હા-હા કવરમાં પૈસા હતા , અને ના હોત ને તો બીન્દાસ માંગી લેત."
