ઉડતા પંખીઓ ના પંખ કાપે છે;
દોડતા પશુઓ ના પગ કાપે છે;
તક મળે જો જીવનમાં જ્યારે,
માણસ માણસના ગળા કાપે છે;
પોતાના થી ઉપર પહોંચે નહીં તેથી,
આરી થી નિસરણીના પાયા કાપે છે;
પહોંચે જો પોતે ઉચ્ચ હોદ્દા પર તો,
રંક લોકોના રોટલા પણ કાપે છે;
ઈર્ષા ભરી રાખી છે દિલમાં એટલી કે,
વગર હથીયારે પોતાનાને જ કાપે છે;
કામ વાસનામાં ભૂખ્યો આ માનવી,
નજરથી વસ્ત્રના આંતર પટલ કાપે છે;
ધર્મગુરુ બનીને બેઠેલા ધર્મગુરુઓ પણ,
ધર્મ ના નામે ભક્તોના ખીસ્સા કાપે છે;
#અહિંસા પાઠ ભણાવ્યા હતા જેમણે,
મૌન રહી ક્રાતિવીરો ના ગળા કાપ્યા છે;
ધારે તો અઘરું નથી ઇશ્વરને પામવું પણ,
સત્કર્મ કરવા માણસ અંતર ક્યાં કાપે છે?
#અહિંસા
