જુવો ને...
હર એક ક્ષણ વીતી રહી છે ને હું ખર્ચાઈ રહ્યો છું
જુવો ને તોય જીવન જીવીને હું કેવો હરખાઈ રહ્યો છું
સમયના વહેણ સાથે હું પણ તણાઈ રહ્યો છું
જુવો ને તોય હું કેવો મોજથી જિંદગી તારવી રહ્યો છું
જીવનની રણભૂમિમાં સંઘર્ષનો સામનો કરી રહ્યો છું
જુવો ને તોય હું કેવો સહર્ષ જિંદગી જીવી રહ્યો છું
જીવનપથની અટપટી કેડીઓ પરથી પસાર થઇ રહ્યો છું
જુવો ને તોય હું ભટક્યા વગર મંજિલે પહોંચી રહ્યો છું
-હીના પટેલ
