❤તારો સાથ જોઈએ છે❤
જીવન ને જીવવા માટે થોડો શ્વાસ જોઈએ છે,
વધારે તો કંઈ નથી માંગતો બસ તારો સાથ જોઈએ છે
ભરવી છે ઉડાન મારે તારા દિલ ના વિસ્તાર માં,
એ ઉડાન સાકાર કરવા તારું દિલ ઉધાર જોઈએ છે.
નથી ઈચ્છતો લાબું આયુષ્ય હું આ જીવનથી,
મને તો બસ તારા સાથેનો થોડીક ક્ષણો નો સંસાર જોઈએ છે.
નથી જોઈતાં સોના-ચાંદી,ને નથી જોઈતાં ચમચમતાં હીરા,
મને તો બસ તારા મુખ પર મુસ્કાન વારંવાર જોઈએ છે.
લડવા તૈયાર છું હું પ્રેમમાં તારા આ દુનિયાથી પણ;
શસ્ત્ર સ્વરૂપે તારા પ્રેમ સરીખી ઢાલ જોઈએ છે.
✍🏻-મયુર દેસાઈ "નિર્દોષ"✍🏻
