આપણી જ જવાબદારી
=================================
(૨)
માન સન્માન માટે ઉંમરનો બાધ નથી હોતો. દરેકને તેની ઉંમર મુજબનું માન જોઈતું હોય છે, પરંતુ"આપણી જ જવાબદારી" માં પોતાના બાળકો પ્રત્યેની જવાબદારીની વાત હોઇ મોટી ઉંમરની વ્યક્તિઓનાં માન સન્માનની વાત કરીશું. એટલે એમ કે બાળકોને પોતાનાથી મોટી ઉંમરનાનું માન રાખતાં જરુર શીખવવું; બાળક આપોઆપ સ્વમાન પણ શીખી જશે.
ઘણાં બાળકો પોતાના માં બાપ સિવાય અન્ય વ્યક્તિઓને માન આપવામાં ચૂક કરે છે, જે ખરેખર જોવા જઈએ તો આપણી જ ખામી છે.એ જ પ્રમાણે તેનાં માત્ર વિષયશિક્ષક કે ગમતીલા શિક્ષક જ નહીં પરંતુ સમગ્ર ગુરુજનોને માન આપે અને નિઃસંકોચ ચરણસ્પર્શ કરે તેવા સંસ્કારસિંચનની જરુર છે. કારણ કે આ સંસ્કાર હવે ધીરે ધીરે અસ્ત થવા જઈ રહ્યો છે. આના જવાબદાર "આ","તે" કે "પેલા"નહિં - ટૂંકું ને ટચ - આપણે જ જવાબદાર.
સંસ્કારનો વારસો આપવાથી સમૃદ્ધ પેઢીનું નિર્માણ થાય છે. મતમતાંતર કરવાં કે સહભાગી થવું તે આપણા ઉપર છે.
🙏જય માતાજી🙏
(ક્રમશઃ)
રાજેન્દ્રકુમાર એન.વાઘેલા
ભરૂચ.
