એ તો ગયા, પણ એમના ચહેરા રહી ગયા,
લાગ્યા કરે છે કે એ જવાનું ભૂલી ગયા…

નિસ્તબ્ધતા વિરહની હવામાં ભળી ગઇ,
ચહેરાના ભાવ પર્ણની રેખા બની ગયા…

જે શબ્દ રહી ગયા’તા ગયામાં બરફ થઇ,
વાતાવરણમાં ઓગળી પડઘા થઇ ગયા…

સંતાઇ ગઇ છે ઓરડામાં ક્ષણ વિદાયની,
ઘરમાં સમયની વાંસના ફોડાં ઉગી ગયા…

કોઇ ગયું છે એ છતાં કોઇ નથી ગયું,
ખાલીપણાના ભારમાં પગ ઉપડી ગયા…

Gujarati Poem by Ashwin Pandya. : 111441377

The best sellers write on Matrubharti, do you?

Start Writing Now