🌹ચિત્ર પરથી🌹
પરોઢે આહ્લાદક વાતાવરણમાં
ગુલાબી ઠંડી પ્રસરી..
કુદરત હસું હસું થઈને
વાતાવરણમાં હળવો હળવો
ઉષ્માભર્યો સ્ફૂર્તિદાયક
સંચાર થઈ રહ્યો છે..
ત્યારે સૂર્યના કિરણોથી આકાશી આભા
કેસરિયા વાઘા પહેરી
પક્ષીઓ સાથે જાણે વિહરતું ન હોય..!!
ગરમીથી ત્રાહિમામ પક્ષીઓ
વહેલી પરોઢે આકાશ સામે જોઈ
હસું હસું થઈ રહ્યાં..
એ સૂકી ડાળે ડાળે બેસીને વાદળોમાં જાણે
પોતાનું પ્રતિબિંબ શોધતાં ન હોય.!!
વૃક્ષ સમાધિમાંથી જાગી
આકાશ તરફ મીટ માંડીને ઉત્સાહથી
ઝૂમી રહ્યાં.
વાદળોને વરસવા જાણે આજીજી કરી રહ્યાં..
અંધારી રાત્રિ પછી
પહેલા પ્રહરમાં આખી સૃષ્ટિ
આનંદીત થઈને
નૃત્ય કરી જાણે
આકાશ પીવા આતુર થઈ રહી છે ..
-આરતીસોની©રુહાના
#આનંદી
