આજના બર્થ ડે સર્જક :ગુલામ અબ્બાસ "નાશાદ"
(સંકલન cp અને સ્કેચ: શિલ્પી બુરેઠા કચ્છ)
ગઝલ
***
એક છું,શ્રી સવા નથી મિત્રો!
માનવી છું, ખુદા નથી મિત્રો!
ભાગ્ય બદલી શકું ના કોઈનું;
લાગણી છું, દુઆ નથી મિત્રો!
પાપ સંતો જ ધોઈ જાણે છે;
વ્હેમ છે, આસ્થા નથી મિત્રો!
હડસેલી કોઈને જવું આગળ;
આવડત છે, કલા નથી મિત્રો!
આંખમાં જે મને સતત ખટકે;
આંસુ છે , ઝાંઝવા નથી મિત્રો!
લોક-ટોળામાં હોય જો દુશ્મન;
માંડ એક-બે,બધાં નથી મિત્રો!
ઘરને ફૂંકી તમાશો જોનારા;
એ કોઈ પારકા નથી મિત્રો!
હાસ્ય હોઠે પ્રણાલિકા કેવળ;
જિંદગી ખુશનુમા નથી મિત્રો!
બારણે એટલે ઊભો "નાશાદ";
ક્યાંયે ઘરમાં જગા નથી મિત્રો!
- ગુલામ અબ્બાસ *નાશાદ*
Happy birthday
