કુદરત ની ચાલબાજીમાં!
શ્વાસની સાંકળ થંભી ગઈ આજે,
જીવન ટકાવા સામર્થ્ય ખેડવું રહ્યું,
રુઆબદાર જીવન કેદ-શુ થયું!
કુદરત ની ચાલબાજીમાં!
મથી રહ્યો માનવી અટકળોમાં,
ઝઝૂમી રહ્યું વિશ્વ્ ‘કોરોના’ સંગ,
નથી આરો કોઈ આશા નો,
જીવનદીપ ઓલવાય રોજ લાખો,
કુદરત ની ચાલબાજીમાં!
ખેલ પણ ન્યારો એનો,
પ્રકૃતિં પાર બહુ કર્યાં કાળા કેર,
એ જ લાઠી વાગે હવે સુમસાન રોજ,
સહન કર્યે જ છૂટકો રહ્યો,
કુદરત ની ચાલબાજીમાં!
હજારો મૂક ની વેદના ને અરમાનો,
ખીલ્યા જ છે હવે આઝાદી સંગ,
બીક ના માર્યા ખુદ કેદ માનવી હવે,
ને જીવંત પ્રકૃતિ સોળે કળાએ,
કુદરત ની ચાલબાજીમાં!
‘સેતુ’ શ્વેતા પટેલ
(31/03/2020)
