તમે ભજન સવાયા કરજો
✍🏻 ભવાનીદાસ
🌿🌿🌿🌿🌿🌿🌿
વારે વારે અવસર નહિ આવે
તમે ભજન સવાયા કરજો
આવો રૂડો અવસર નહિ આવે
રે તમે ભજન સવાયા કરજો
સંસારસાગર મહાજળ ભરીયો
તરી શકો તો કોઈ તરજો રે
હરીનાનામનુ જહાજ લઈને
ઓલે તે પાર ઉતરજો
દોનું દિવા તારી આગળ ઝળકે
તે નાભિ કમળ બીચ ધરજો રે
હૃદય કમળમાં હેત કરી ને
અમર વરને વરજો
માણેકચોક માં ભરણું ભરે
તો સમજી વિચારી ને ભરજો
હીરા માણેક નીલમ મોતી ઘણા
પારખ થઈ ને પરખજો
સદગુરુ મળે ને સંશય ટળે
એવા સંત ચરણે શીશ ધરજો રે
જોધા પરતાપે ભણે ભવાનીદાસ
અમરાપુર માં ભળજો
🙏🏻🙏🏻🙏🏻🙏🏻🙏🏻🙏🏻🙏🏻
