ગંગાસતી ની વાણી...૪૮
🍀🍀🍀🍀🍀🍀🍀
દળીદળી ને ઢાંકણી માં ઉધરાવવું રે,એવું કરવું નહીં કામ રે
આપણી વસ્તુ જાય અવરથા રે,એવાનું લેવું નહિ નામ રે
દળી દળી....
ભાઈ રે !
સેવા કરવી તો છેલ્લા જન્મવાળાની ને,ભજનમાં જોવા સંસ્કાર રે
જો પુરવનો પુરુષાર્થ હોય એહનો રે,તો મેળવવો વાતનો એકતાર રે
દળી દળી...
ભાઈ રે !
વિષયવાળા ને વાત નવ કહેવી ને,એથી રાખવું અલોપ રે
દેખાદેખીએ મરને કંઠી બંધાવે રે,શુદ્ધ રંગનો ચડે ન ઓપ રે
દળી દળી...
ભાઈ રે !
ઉત્તમ કર્મ જો કરે ફળની આશાએ રે,એવાને ન લાગે હરીનો લેશ રે
ગંગાસતી એમ બોલિયાં રે,તેઓ ક્યાંથી ભાળે અખંડ દેશ રે
દળી દળી...
🙏🏻🙏🏻🙏🏻🙏🏻🙏🏻🙏🏻🙏🏻
